School Wide Practitioner

Help shape the future of education in New Zealand

Mātanga Kura-Whānui

He tūranga pūmau, wā kī hoki

Kei Tāmaki – kei te pokapū mā rāwhiti.  Ka noho ki te tari ki Maungawhau

Kei te kimi mātau i tētahi Mātanga Kura-Whānui mō te PB4L, māna hei tautoko ngā mahi whakawhanake taiao ako tōrunga, me te aro nui ki Te Reo Māori i ngā mahi mātauranga.  

He mea tārai e mātou te mātauranga kia rangatira ai, kia mana taurite ai ōna huanga

Mō tēnei tūranga

He kaupapa a PB4L Schoolwide hei whakapai i te hauora me te eke taumata o ngā ākonga. Ka tautoko a PB4L Kura-Whānui i ngā kura ki te waihanga taiao tōrunga hei whakatairanga i te manaakitanga me te ako whai kounga.

Ka whakawhiwhi atu ngā mātanga Kura-Whānui i te akoranga me te whakangungu ki ngā kapa Kura-Whānui ki roto i ngā kura. Ka mahi rātau ki ngā kapa kura ki te whakatinana haere i ngā pūnaha tautoko whanonga e ōrite ana, e toitū ana, arā ki te whakatairanga hononga tōrunga me te ako whai kounga.

Mō ētahi atu kōrero mō tēnei tūranga, tēnā me pānui te Tātai Tūranga e tāpiri mai ana
whakaaturanga mahi

Ka tuku atu hoki mātau i:

• Ngā tikanga Māori tāwariwari
• Te whai wāhi atu ki ngā kapa kaimahi, tae atu ki te rōpū Kaimahi Māori
• He taiao whai wāhi e tautoko ana i tō haerenga ahurea whaiaro
• He tino hōtaka whakangungu, ako hoki
• He kaupapa hauora ki te tautoko i tō ora

Mōhou ake

Kia angitū koe ki roto i tēnei tūranga, me whai koe i ngā āhuatanga e rārangi iho nei:

• he matatau ki Te Reo Māori me ōna tikanga
• he manawanui ki te tautoko i ētahi atu ki te whakatutuki i ō rātau whāinga mō te whakawhiwhi taiao ako tōrunga mō ngā ākonga katoa
• he wheako, he āheinga ki te mahi ki te rāngai Reo Māori, Reo Pākehā hoki
• he tohu mātauranga mō te mātauranga, mō te mātau hinengaro, mō tētahi atu kaupapa rānei e hāngai ana ki tēnei tūranga
• he āheinga ki te waihanga, ki te tuku hoki i ngā whakaaturanga tino pai
• he tino pūkenga mō te whakahaere kōrero me te whakangugnu
• he pūkenga ki te waihanga, ki te whakataimau hononga ki te mahi a te tangata
• he raihana taraiwa matua, nō te mea he tūranga hāereere tēnei.

Kua rite koe mō tēnei mahi?

Kei te manawanui mātau ki te whakaatu i ngā hapori kanorau e mahi nei mātau, nō reira mātau ka pōwhiri i ngā tono mai i ngā tāngata nō ngā hapori katoa, nō ngā aronga katoa, nō ngā tuakiri katoa.

Katoa ngā tono mai, me tuku mai tuihono mai mā te hononga ki raro nei (kaua e ī-mēra mai i tō tono). Ki te hiahia mai koe ki tēnei tūranga, me tuku mai i tō reta whakamārama me tō Tātai Tangata mā te hononga ‘Tono mai ki tēnei tūranga’ ki raro.

I tō reta whakamārama, kei te pīrangi mātau ki te mōhio ki a koe, ki ō uara, ki tō whakapapa, ki ngā kōrero mō tō tuakiri ahurea. Kei te pīrangi mātau ki tō mōhio ki ō whakahihikonga, ki ō kaha, ki ō pūkenga ka taea te whakawhiti, me ngā tirohanga kanorau ka hari mai koe ki tēnei tūranga..

Ki te hiahia koe ki ētahi atu kōrero, me whakapā atu ki a Julia Woodward i 0272446813, ka tuku ī-mēra rānei ki   Julia.Woodward@education.govt.nz

Ka kati ngā tono hei te waenga pō o Taite 22 o Noema 2023

Kei te pīranga mātau kia tau te noho mai o te tangata, kia rangona ōna pūkenga motuhake. Ki te hiahia koe ki te āwhina, ki te whakaurutau kia āta whai wāhi mai ki te tukanga kimi kaimahi, me whakamōhio mai.